وش تسوي لو عشقت انسان ماهو من نصيبـك

وش تسوي لو عشقت انسان ماهو من نصيبـك


لا لك بهالوضع يد .. و لا له بهالوضع سبه !!


وشهو ذنبك لو غدى من بين خلـق الله حبيبـك


تعرف إن قربه محال .. و قلبك مصمم يحبه ؟!


و انته متأكد و عارف يب يجي يوم و يسيبـك


يعني متوقع بأي لحظه يغيـب و تغتـرب بـه


كل دربٍ يرحل بطيفه .. على وجهك يجيبـك


كل حرفٍ يُكتب لغيره .. تحسه منكتب بـه !!


كن كل عيون خلـق الله عيـون ٍ لـه تذيبـك


تنثر احساسك جمر ملح وْعلى جرحك تصبـه


و اللي كاسر ظهر قلبك و بشقا الدنيا مصيبـك


عارفٍ بانّك تحب .. و ما يعَرْف انّـك تحبـه


ساكنٍ بأصغر تفاصيلك و قلبه مـا دري بـك


ماكنٍ بأقصى معاليق الكيـان اللـي لعـب بـه


وش تسوي لو مرضت بعشق من وصله طبيبك


و انت عارف لو ذبحك العشق ما داواك طبه !!


.
.

صح لسانك يابوسالم والقصيده روعه والله وفالك الحي يارب
ولاتبخل علينا بالقصايد

مشكوووووووووووووور اخوي غريد على المرور الكريم

لا شكر على واجب علوووووووووووووووووي

[b]تسلم علي سالم على القصيده الحلوه[/b]
[b] واسكرك على الابداع الحلو[/b]
[b][/b]
[b]والجيات اكثر..........؟[/b]

مشكوووووووور ابو طلال على المرور

ياليل مااطولك اقوووووول
خخخخخخ